Бизнис
КАКВИ СЕ ЦЕНИТЕ НА СТАНОВИТЕ И КИРИИТЕ ВО БЕЛГРАД, ЗАГРЕБ, ЉУБЉАНА...
18.11.2024
Цените за изнајмување на недвижности во Подгорица се движат од 270 до 400 евра во зависност од големината на просторот и делови од градот. За изнајмување на еднособен стан во помалку атрактивните населби треба да се издвојат од 350 до 450 евра. Наемнината за двособен стан изнесува од 550 до 800 евра, а на подобрите локации се движи од 700 до 2.000 евра. Изнајмувањето на трособен стан чини до 3.500 евра.
Според државната статистика, просечната цена за еден квадрат во Црна Гора изнесува 1.800 евра. На приморјето цените се повисоки и во Улцињ не може да се најде пониска цена од 2.000 евра за квадрат.
Во Љубљана просечната цена за изнајмување на стан е 18,94 евра за еден квадрат. Еднособен стан може да се изнајми од 600 до 800 евра, двособен меѓу 800 и 1.200 евра, а месечната кирија за трособен стан изнесува меѓу 1.000 и 1.400 евра.
Цената за еден квадратен метар во главниот град на Словенија изнесува 4.370 евра за стан со површина од 54 м2, информираат од геодетската управа на Словенија. За купување на еднособен стан треба да се издвои од 180.000 до 220.000 евра, за двособен стан од 200.000 до 300.000 евра и за трособен од 250.000 до 400.000 евра.
Во Сараево изнајмувањето на еднособен стан чини минимум 180 евра, а за двособен од 230 до 1.000 евра. Просечната цена за квадрат во новоградба изнесува 1.750 евра.
Во Загреб просечната цена за квадрат станбена површина изнесува 3.310 евра. За изнајмување на стан од 50 квадрати се плаќа кирија од 500 до 1.000 евра.
Изнајмување на еднособен стан во Белград чини околу 390 евра, за гарсоњера треба да се плати 300 евра, за еднособен стан 470 евра, а за станови со поголема површина се плаќа од 680 до 1.500 евра.
Во Белград не може да се купи стан под 2.000 евра за квадрат, а највисоката цена за стан достигнува и до 10.000 евра за квадрат.
Просечната цена за квадрат во огласите за продажба е околу 2.640 евра, но таа зависи од локацијата и големината на станот, пишува „Форбс Србија“.
фото freepic