Бизнис
ЖЕНИТЕ ВО ЕУ ЗАРАБОТУВААТ ЗА 13 ОТСТО ПОМАЛКУ ОД МАЖИТЕ
15.11.2024
Просечната родова разлика во платите трета година по ред изнесува околу 13 отсто, што значи дека на секое евро што го заработуваат мажите, жените заработуваат 0,87 евра, објави денеска Европската комисија по повод денешниот Европски ден на еднакви плати.
Копретседателката на Комисијата за вредности и транспарентност Вера Јурова, комесарот за вработување и социјални права Никола Шмит и комесарката за рамноправност Хелена Дали во заедничката изјава за медиумите ја потврдија посветеноста за изградба на Европа во која жените и девојките можат да напредуваат и во која нивниот придонес на пазарот на трудиот целосно се вреднува.
Како индикатор за намалување на родовата нерамноправност е зголемувањето на вработеноста кај жените во последните пет години за 2,9 отсто и намалување на родовите разлики во платите за 1,5 процентни поени, пренесува РТЦГ.
фото freepic