Бизнис
„ЗЛАТНИОТ ПЕРИОД“ НА МАСЛИНОВОТО МАСЛО ЗАВРШУВА, ЦЕНИТЕ ПОЧНУВААТ ДА ПАЃААТ
15.11.2024
Најголемиот светски производител на маслиново масло, шпанскиот „Деолео“, прогнозира дека периодот на високите цени на овој производ е пред крај, а во наредните месеци ќе дојде до преполовување на сегашнта цена.
Долгиот период на екстремни временски услови и суши кои се предизвикани од климатските промени во јужна Европа серизоно влијаеше на бербата на маслинки во последните години. Ова доведе до вртоглав скок на цените на маслиновото масло, што ги изнендади и самите преработувачи.
Цените на „течното злато“ почнаа да се смируваат, а проценките на компаниите од преработувачката индустрија се дека има значително подобра берба во сезоната 2024/2025 година. Подобар род на плантажите со маслинки има во Шпанија, Грција и Тунис.
- Иако има чекори на подобрување, не е сосема сигурно дека кризата е завршена. Постои одредена несигурност на пазарот пред бербата за сезоната 2024-2025. Но најавите се позитивни за наредните месеци, пазарот ќе почне да се стабилизира, изјави Мигуел Ангел Гузман главен директор за продажба во „Деолео“, за ЦНБЦ.
Цените на маслиновото масло во шпанската Андалузија е 6 евра за еден килограм. Ова е намалување од 19 отсто и за 32 отсто пониско од рекордната цена за маслиновото масло од 9,2 евра во јануари годинава, пренесува „Сеебиз“.
фото freepic