Бизнис
СРБИЈА САКА ДА УЧЕСТВУВА ВО СОПСТВЕНОСТА ВО НУКЕЛАРКАТА ВО УНГАРИЈА
14.11.2024
Железничката линија Белград-Будимпешта на која ќе сообраќа брзиот воз ќе биде отворена најдоцна до март 2026 година и патувањето ќе трае два часа и 45 минути, објави српскиот претседател Александар Вучиќ, по средбата со унгарскиот премиер Виктор Орбан во Будимпешта.
На состанокот Вучиќ го замолил Орбан да ја разгледа желбата на Србија да биде сопственик од пет до десет отсто во унгарската нуклеарна електрана Пакш.
- Подготвени сме да платиме полна цена за пет до 10 отсто од сопственоста на нукеларната електрана. Од унгарската страна не одговорија на нашето барање, и дополнително ќе ја разгледаат нашата понуда, изјави Вучиќ.
Србија ќе разговара за изградба на нафтовод кој би чинел 150 милиони евра, заради диверзификацијата на изворите на снабдување на овој енергент, кој сега пристигнува од јадранскиот нафотвод преку Хрватска. Србија искажала и потреба од закуп на складиште за гас во Унгарија на подолг период, пренесува „Бета“.
фото freepic