Бизнис
КУПУВАЧИТЕ ДА ВНИМАВААТ НА ЦЕНИТЕ НА ЦРН ПЕТОК, предупредуваат од Хрватското здружение за заштита на потрошувачите
14.11.2024
Црниот петок во Хрватска е далеку поразличен од оној што се применува во Америка и затоа хрватските граѓани треба да бидат внимателни пред да одлучат да пазарат на денот со „најголеми попусти на производите“, предупредува Ана Кнежевиќ, претседателката на Хрватското здружение за заштита на потрошувачи.
- Во САД на 29 ноември во продавниците може да се купи телевизор за багателна цена, па затоа им се исплати на купувачите да спијат пред продавниците, вели Кнежевиќ.
Во американскиот Црн петок попустите на одредени производи достигнуваат до 80 и 90 отсто од претходната цена, но во Хрватска тоа не е случај, предупредуваат од ХЗЗП.
Кнежевиќ нагласува дека до нивното здружение пристигнуваат бројни поплаки од купувачите по Црн петок, кога производот ќе им се расипе
- Многу од трговците го користат овој ден како мамец за купувачите. Огласуваат попусти од 70 или 80 отсто , но кога ќе се посети продавницата гледаат дека нема таков попуст, вели Кнежевиќ.
Неодамнешното истражување на Британскиот сојуз на потрошувачи во 2021 година во кое биле опфатени 230 продавници, покажало дека 92 отсто од цените на Црн петок биле еднакви како и еден ден претходно. Затоа, им се препорачува на купувачите прво да ги проверат цените на производите еден ден пред Црн петок, пренесува „Пословни дневник“.
фото freepic