Бизнис
КРАТКОРОЧНОТО ИЗНАЈМУВАЊЕ НА СТАНОВИ ГО ЗАГРОЗУВА ТУРИЗМОТ ВО ХРВАТСКА
11.11.2024
Краткорочното изнајмување на станови на туристи и рентиерството почнаа да го загрозуваат одржливиот туризам во Хрватска и годинава биле понудени 26.000 нови кревети на краткорочен наем, а тоа се одрази на помалата пополнетост на постојните апартмани , објави Тончи Главина, хрватскиот министер за туризам и спорт.
Хрватска треба да направи исчекор од неодржливиот концепт на прекумерен и масовен туризам, кон одржлив туризам со висока додадена вредност. Одржливиот туризам подразбира развој на целогодишен и регионален избалансиран туризам, зачувување на околината, просторот и климата, а тоа се и целите кои се содржани во целите на Стратегијата за развој на одржлив туризам до 2030 година.
Економистите сметаат дека во Хрватска има се уште потенцијал за раст и развој на туризмот, кој е еден од ретките домашните сектори кои можат да привлечат значителни инвестиции, да отворат нови работни места и да обезбедат раст на приходите и стандардот на граѓаните, пренесува „Сеебиз“.
фото freepic