Бизнис
НАЈМНОГУ ДОЗВОЛИ ЗА ГРАДБА ВО ИЛИНДЕН, во земјата помалку издадени одобренија за градење
11.11.2024
Во септември годинава се издадени 296 одобренија за градење, што е за 9,2 % помалку во однос на истиот месец од претходната година, соопшти Државниот завод за статистика.
Според издадените одобренија за градење, предвидената вредност на објектите изнесува 7 517 775 илјади денари, што е за 12,6 % повеќе во однос на истиот месец од претходната година.
Од вкупниот број на издадени одобренија за градење, 146 (49,3 %) се наменети за објекти од високоградба, 90 (30,4 %) за објекти од нискоградба и 60 (20,3 %) за објекти за реконструкција.
Од вкупно 296 објекти, на 131 (44,3 %) како инвеститори се јавуваат физички лица, а на 165 (55,7 %) објекти инвеститори се деловни субјекти.
Во извештајниот период е предвидена изградба на 755 станови, со вкупна корисна површина од 67 372 м2.
Во Скопски регион биле издадени најмногу градежни доволи 74, од нив 22 дозволи зе за физички лица и 52 дозволи за деловни субјекти. Во Илинден се издадени 29 дозволи, од нив 7 за физички лица и 22 дозволи за деловни субјекти.
Во Полошкиот регион во септември се издадени 67 одобренија за градба, од нив 59 за физички лица и 8 за деловни субјекти. Најмногу дозволи за градба има издадено за Врапчиште со 14 дозволи за индивидуална градба.
фото freepic