Мароко е голем извозник на автомобили во Европската Унија со  испорачани 536.000 возила во 2023 година, пред се во Шпанија, Франција, Германија и Италија. Оваа афричка земја, е втор најголем извозник на автомобили во ЕУ и се наоѓа веднаш зад Кина со 782 илјади продадените  авомобили на европскиот пазар.

Годишното производство на автомобили во Мароко изнесува 700 илјади возила, а извозот на автоиндустријата  во ЕУ изнесува 15,1 милијарди евра. Ова е за 30 отсто повисоко од извозот во претходната година.

Големо влијание на развојот на автомобилската индустрија во Мароко имаат француските компании. Аналитичарите очекуваат дека извозот на автомобили од Мароко ќе продолжи да расте, а добар дел од тоа ќе се однесува на електричните автомобили во Европа, пренесува „Форбс.хр“.

фото freepic