Бизнис
ЧЕШКА И ИРСКА БИ БИЛЕ НАЈГОЛЕМИ ГУБИТНИЦИ ОД ВОВЕДУВАЊЕТО НА АМЕРИКАНСКИТЕ ЦАРИНИ
11.11.2024
Спроведувањето на повисоките царините на увоз во САД, што ги најави американскиот претседател Доналд Трамп, од земјите на Европската Унија најмногу ќе ги погоди Чешка и Ирска. Во 2027 година Чешка би имала намалување на БДП за 3,5 отсто односно за 11,61 милијарди евра. Секое чешко домаќинство ќе губи 3.700 евра годишно, а земјата ќе изгуби 55.000 работни места, пишува чешкиот весник „Млада фронта Днес“.
Овие податоци се содржани во неодамнешниот извештај на Конфедерацијата на данската индустрија, според кој воведувањето на царините за 10 отсто на увозот во САД, а 60 отсто на увозот на стоки и услуги од Кина, би значело намалување на БДП на ЕУ за 2,5 отсто и губење на 1,7 милиони работни места.
Доколку во првата година од мандатот на Трамп се воведат дополнителните царини на увоз, а на тоа возврати и ЕУ, во 2027 година БДП на Унијата би бил помал за 391 милијарда евра, а вработеноста ќе се намали за 0,7 отсто. Вработеноста во ЕУ би го постигнало сегашното ниво на вработеност во 2029 година, но БДП тогаш би бил за 1,7 отсто помал, доколку не се воведат најавените американски царини.
Ирска ќе биде погодена од американските царини, поради нејзината економска поврзаност со САД, а Чешка поради малата и отворена економија и посебно од зависноста од Кина, и индиректните врски преку Германија, пренесува Б92.
фото freepic