Бизнис
ПРОИЗВОДИТЕ НА СВЕТСКИТЕ БРЕНДОВИ НА ХРАНА СЕ СО ПОСЛАБ КВАЛИТЕТ ВО ПОСИРОМАШНИТЕ ЗЕМЈИ
10.11.2024
Производите на водечките прехранбени компании во просек се со послаб квалитет во земјите со ниски приходи од тие кои се пласираат во побогатите земји, покажало истражувањето на непрофитната организација Access to Nutrition Initiative (ATNI).
Производите на група од 30 компании во земјите со ниски приходи добиле полоши оцени од оние кои се продаваат во земјите со високи приходи, утврдиле од АТНИ.
Во земјите со ниски приходи производите од мултинационални компании добиле во просек оцена 1,8 , а во земјите со високи приходи, просечната оцена изнесува 2,3.
Здружението АТНИ годинава за прв пат состави одвоени индекси за земјите со пониски и со повисоки приходи. Овие податоци се важни, ако се знае дека од Светската здравствена организација предупредија дека повеќе од милијарда луѓе во светот живеат со прекумерна телесна тежина. Околу 70 отсто од овие луѓе живеат во земјите со пониски и со средни приходи, пренесува „Сеебиз“.
фото freepic