Бизнис

И ПОМПЕЈА СЕ ПОВЕЌЕ Е ИЗЛОЖЕНА НА МАСОВНИОТ ТУРИЗАМ

Туристичките власти во Италија ќе го ограничат дневниот број на посетители на 20.000 на римскиот археолошки локалитет Помпеја, како одговор на масовниот туризам и се поголемата популарност на ова древно место.

Ограничувањето на посетителите е поради големиот број на туристи кој достигна 36.000. Управителот на локалитетот Помпеја Габриел Зустриегел изјавил дека намалувањето на туристичкиот промет е неопходно поради зачувување на ареолошкиот локалитет.

Минатата година Помпеја ја посетиле над  4 милиони гости, а тоа е зголемување за 33,6 отсто во однос на претходната година. Ова значи дека дневната посета во просек изнесувала 11.200 лица, покажуваат податоците на министерството за култура на Италија. Во првата недела од месеците влезот е бесплатен и тогаш бројот на посетителите надминува над 20.000.  Историскиот град Помпеја,  беше затрупан од вулканската пепел и камења, по ерупцијата на вулканот Везув во 79 година, пренесува „Сеебиз“.   


фото freepic 

ПРЕПОРАЧАНО