Бизнис
ЕУ НЕ СЕ ОТКАЖУВА ОД ЗАБРАНАТА НА ПРОДАЖБА НА АВТОМОБИЛИ СО ЕМИСИЈА НА СО2
08.11.2024
Европската Унија ја продолжува политиката за забрана за продажба на нови автомобили со емисија на јаглен диоксид до 2035 година, а од следната година ќе ги прошири критериумите за автомобилската емисија на СО2 , изјавил Вопке Хукстра, кандидатот за европската комисија за клима.
- Многу генерални директори во автомобилската индустрија ми рекоа дека можат да ги постигнат целите. Од автомобилската индустрија бараат поголеми вложувања во изградба на мрежа за полначи за електрични возила, а тоа е фер барање, вели Хукстра.
Некои од производителите на автомобили предупредија дека не можат да ги исполнат новите критериуми за емисиите во следната година и се плашат од воведувањето на големи казни.
Министрите за енергетика од земјите членки на ЕУ минатата година го одобрија законот со кој продажбата на автомобили со емисија на СО2 се укинува во ЕУ од 2035 година, а Германија беше иземена за автомобилите кои користат е-горива. Според законот, купувачите во Унијата од 2035 година нема да можат да купат нови автомобили кои имаат мотор со внатрешно согорување.
Италија и Чешка и други производители на автомобили бараат од Брисел за да се преиспита одлуката, со објаснување дека нема да можат да ги исполнат наведените цели поради падот на продажбата на електрични автомобили, пренесува Б92.
фото freepic