Западен Балкан станува  омилена дестинација за туристите на Турција, а нивните остварени посети забележуваат  нови рекорди во сите земји од регионот.

Во Србија се регистрирани околу 186.000 доаѓања на турски туристи меѓу јануари и септември 2024 година. Ова е раст од 22 отсто во споредба со претходната година, покажуваат податоците на Туристичката организација на Србија.

Во Македонија турските гости сочинуваат 42 отсто од сите странски посетители само во август годинава. Бројот на гостите од Турција изнесувал 50.200.

Во Босна и Херцеговина од јануари до август пристигнале 145.500 туристи од Турција, а само во Сараево нивниот број се зголемил за 20 отсто во однос на минатата година.

Албанија и Косово исто така забележуваат постојан раст на турските туристи, пренесува „Бизнис.ба“.