Бизнис
ГЛОБАЛНИТЕ СУБВЕНЦИИ ЗА ЗЕМЈОДЕЛСТВОТО СЕ НА ИСТОРИСКИ МАКСИМУМ, НО...
06.11.2024
Јавните субвенции за земјоделството во земјите од ОЕЦД се ближат до историскиот максимум, но тие не се насочени кон иновации и поголема продуктивност, соопштија денеска од Организацијата за економска соработка и развој (ОЕЦД).
Глобалните јавни субвенции во 54 земји во светот достигнаа годишен просек од 842 милијарди долари во периодот меѓу 2021 и 2023 година, се наведува во годинашниот извештај на ОЕЦД кој се однесува за следењето и евалуацијата на земјоделските политики.
Државната помош за земјоделството е најголема во Кина, која учествува со 37 отсто од субвенциите исплатени во 52 земји, потоа во САД со 15 отсто, Индија со 14 отсто и Европската Унија со 13 отсто учество.
- Делот за поддршка на општите услуги, како што се иновациите, за био безбедноста или инфраструктурата, изнесува во просек 12,6 отсто од вкупната поддршка за земјоделскиот сектор, соопштуваат од ОЕЦД.
На индивидуалните земјоделци на годишно ниво се доделени 628 милијарди долари во периодот од 2021 до 2023 година, а овој износ е поголем од исплатената сума пред пандемијата, пренесува „Бизнис.рс“.
фото freepic