Бизнис
ВО ГЕРМАНИЈА Е ЗАПРЕН ПАДОТ НА ПРОДАЖБАТА НА НОВИ АВТОМОБИЛИ, НО НА Е-АВТОМОБИЛИТЕ Е ВО СЛОБОДЕН ПАД
06.11.2024
Во октомври продажбата на автомобили во Германија за првпат се зголеми по неколкумесечно стагнирање, но се уште се намалува продажбата на електричните автомобили. Според податоците на Федералниот завод за моторни возила КБА, минатиот месец се продадени 231.992 возила што е зголемување од шест отсто во однос на октомври минатата година. Во исто време, продажбата на е-автомобили се намали за пет отсто на годишно ниво на 35.491 возило.
Зголемувањето на продажбата на возила во Германија е поради поголемата продажба на возила за компаниите.
Поради неизвесните економски движења во Германија, потенцијалните купувачи се воздржуваат од купување на нови автомобили. Предвидувањата за годинава се дека продажбата на автомобили во Германија ќе бидат за 20 отсто пониска од продажбата во 2019 година. Продажбата на е-автомобили годинава ќе се намали за речиси 30 отсто, прогнозираат економистите, пренесува „Сеебиз“.
фото freepic