Бизнис
Зголемени цените на угостителските услуги, најмногу поскапело ноќевањето
05.11.2024
Цените на угостителските услуги во октомври во споредба со септември бележат зголемување од 1,1 процент, а во однос на октомври лани зголемување за 6,1 процент.
Податоците што денеска ги објави Државниот завод за статистика покажуваат дека кумулативниот индекс на цените на угостителските услуги во периодот јануари – октомври во однос на истиот период лани е зголемен за 5,6 проценти, а во однос на декември минатата година за 3 проценти.
Во периодот октомври годинава во однос на октомври 2023 година највисок пораст на цените има кај ноќевањата и тоа за 21,3 отсто.