Бизнис
ЗОШТО НЕМА ПАТНИЧКИ ВОЗ МЕЃУ ЗАГРЕБ И БЕЛГРАД?
04.11.2024
Граѓаните од Хрватска до Србија и обратно не може да патуваат со воз, а годинава за Божиќ се навршуваат четири години од последниот патнички воз на релација Загреб-Белград! Причината за прекинот на железничката линија за патници беше пандемијата со коронавирусот. Од Хрватски железници за превоз на патници (ХЖПП) велат дека се заинтересирани за обнова на железничката патничка линија и дека за тоа постојат најави за 2025 година.
- На состаноците одржани со претставници на Србија договорено е да се почне со активностите за повторно воспоставување на меѓународниот патнички промет за возен ред 2024/2025 година. Но, активностите се одложени бидејќи Србија воз не располага со доволно капацитети за превоз на патници, велат од ХЖПП, за „Јутарњи лист“.
Пред пандемијата со возот на релација Загреб-Белград биле превезени 33 илјади патници. Од Министерството за сообраќај на Србија не одговориле на прашањето зошто не е обвновена оваа железничка линија, но неофицијално се споменува дека Хрватска имала „невообичаени и економски неприфатливи услови“.
Вкупната должина на железничката пруга меѓу Загреб и Белград е 412 километри, а во Хрватска поминуваат 192 км. Меѓу двата града има воспоставено товарен железнички сообраќај, а годинава поминале 4792 возови.
Главните градови на Хрватска и Србија биле поврзани со железничка пруга од 1891 година во времето на Австро-Унгарија, пренесува „Сеебиз“.
фото freepic