Бизнис
ФЕНОМЕНОТ ЗА БРЗИОТ РАСТ НА ТУРСКИОТ ТУРИЗАМ
03.11.2024
Турција годинава остварува туристички бум и очекувањата се дека годинава ќе ја заврши со 61 милион странски туристи. Годинашната сезона беше проследена и со висока стапка на инфлација во земјата, но рекордните бројки за остварени ноќевања и посети, се должи на комбинација на мерки во изминатите децении, кои се базираа на државниот интервенционизам за развој на приватното претприемништво и пазарна конкуренција во туристичкиот сектор.
Во туризмот во Турција за вработени над 2,5 милиони лица и остварува приход од 24 милијарди долари. Туристичката дејност учествува со околу 12 отсто во националниот БДП.
Клучна пресвртница во турскиот туризам беше во 1982 година за време на владата на претседателот Тургут Озал, со носењето на Законот за туризам, на кој се надоврзуваа и други закони. Неговата стратегија за развој на туризмот имаше за цел остварување на брз и голем раст на приходите со намалување на хроничната невработеност во земјата. За неколку години Турција го зголеми за трипати капацитетот на хотелското сместување на 173.000 кревети и остварени пет милиони туристи.
Поддршката на државата се состоеше во директни и индиректни мерки за туристичките фирми, преку даночни олеснувања, отстапување на државно земјиште и зголемувањето на субвенциите за вложување во нови капацитети. Биле одобрувани и субвенционирани цени за електричната енергија, гасот и за другите комунални такси. Дозволите беа доделувани за краток период, а воедно се одвиваше и голем инвестициски бум во изградба на брзи и модерни сообраќајници. Паралелно се градеше и туристичкиот бренд на Турција, преку најголемите туристички оператори од Германија и од другите земји со голема дијаспора. На домашен план се вложуваше во образованието и обуката на квалитетни кадри за потребите на туристичкиот сектор, објави „Бизнис и финансии“.
фото freepic