За девет месеци годинава во Турција пристигнале 49,2 милиони туристи и остварила промет од 46,9 милијарди долари од туризмот. Во споредба со лани, бројот на гости се зголемил за девет отсто, а приходите за седум отсто. Турција е на пат до крајот на годината да ја оствари целта од 60 милиони странски гости.

Просечниот дневен трошок на еден странски турист изнесува 107 долари.

- Резултатите за овие девет месеци се највисоки во историјата на Република Турција. Затоа, ја подигнуваме целта на 61 милион посетители до крајот на годината, изјави турскиот министер за туризам  Мехмет Нури Ерсој.

Истанбул го посетиле 14 милиони туристи или оствари раст од седум отсто. Анталија која е позната ка „турска престолнина на туризмот“  има остварено 13,3 милиони посетители. 

Најголем број на туристи во Турција има од Русија (5,5 милиони), Германија (5,2 милиони) и од Велика Британија (3,7 милиони). Годинава има и највисок раст на гости од Кина со 312.000 посетители или со раст од 84 отсто во однос на лани, пренесува „Бизнис.ба“.

фото freepic