Бизнис
НЕИЗВЕСНОСТА ВО ГЛОБАЛНИТЕ ИТ КОМПАНИИ СЕ ОДРАЗУВА И НА РАБОТАТА НА ИНФОРМАТИЧАРИТЕ ВО СРБИЈА
01.11.2024
Лошите економски резултати на некои водечки компании од ИТ индустријата во светот влијае и на некои од нивните „подружници“ во Србија, кои деновиве беа принудени да отпуштат стотина вработени од информатичката струка, пред се од програмерите. Веста за отпуштањето брзо се прошири во српските медиуми, откако беше објавен огласот на еден од вработените кој на отпуштените информатичари, кои работеле за една ИТ компанија од Данска, им понудил „бесплатни услуги за кариерно советување доколку им е потребна помош за наоѓање на нова работа“.
Нема официјална информација за тоа колку работници се отпуштени, но како што пишува „Екапија“, во две ИТ компании во Србија биле отпуштени околу 80 отсто од бројот на вработените.
За познавачите на состојбите во ИТ индустријата последните настани се очекувани. Имено, компаниите поради неостварените деловни планови во другите делови од светот и намалените профити на американскиот пазар мораат да ги намалуваат трошоците за плати, кои се високи и учествуваат со 80 отсто од трошоците на работење, објави „Екапија“.
фото freepic