Бизнис
„ВИТАМИНКА“ СО РАСТ НА ДОБИВКАТА
01.11.2024
Во периодот јануари - септември 2024 година “Витаминка” АД Прилеп оствари позитивен финансиски резултат. Остварените единечни вкупни приходи во деветмесечието од 2024 година изнесуваат 2,650,211 илјади денари и во споредба со остварените за истиот период во 2023 година бележат раст од 8%. Висината на вкупните расходи е во корелација со работењето во деветмесечието од 2024 година. Во извештајниот период е остварена добивка по оданочување во висина од 36,160 илјади денари, која во споредба со добивката за истиот период од минатата година е зголемена за 58%.
Во структурата на вкупните приходи најголемо учество, 99%, имаат приходите остварени од продажба на производи и услуги од основна дејност, кои во споредба со остварените во 2023 година се поголеми за 7%. Остварените единечни вкупни расходи во деветмесечието од 2024 година изнесуваат 2,490,295 илјади денари и во споредба со остварените за истиот период во 2023 година бележат зголемување од 7%, се наведува во образложението за остварените резултати што компанијата го доставила до Македонска берза.