Бизнис
ГЛОБАЛНИОТ ИНДУСТРИСКИ ПАЗАР СЕ МЕНУВА И НА КОМПАНИИТЕ ИМ Е ПОТРЕБНА ФЛЕКСИБИЛНОСТ, изјави Марта Наумовска Грнарова на панел дискусијата организирана од МАМЕИ
31.10.2024
Глобалниот идустриски пазар се менува и македонските индустриски компании делуваат во брзи промени, кога е потребна поголема флексибилност заради задржување и подобрување на конкурентноста. Фокусот на здружението МАМЕИ е насочено кон малите и средните претпријатија од металната и електро индустрија, кои преку размената на информациите и подобрувањето на знаењата на своите вработени, како и со модернизирањето на производните процеси успешно ќе одговораат на предизвиците низ кои поминува македонската индустрија, изјави Марта Наумовска Грнарова, претседателка на Асоцијацијата на метална и електро индустрија МАМЕИ, во воведот на денешната панел дискусија на тема: „Иднината на индустријата: Како да се постигне одржливост и раст“, која се одржа по повод10 години од формирањето на ова здружение.
- Нашето производство е целосно извозно ориентирано. Работиме и извесуваме на сите континенти и околу 90 отсто од нашето производство е насочено за надворешните пазари. Во сегашните услови на работа, кога се соочуваме со многу проекти, принудени сме да ги ангажираме и подизведувачи, изјави Марта Наумовска Грнарова, која е директор и на компанијата „Завар“, во делот на претставување на како што рече „бисерите на македонската метална и електро индустрија“.
На денешниот панел, што се одржа во рамките на саемот ТЕХНОМА во Скопје. свои излагања за иднината на македонската индустрија изнесоа и Виктор Мизо од „Костал Групацијата“, Марија Дуковска Павловска, генарален менаџер на „Макстил“, Горан Антевски од „Раде Кончар“ и Бојан Јовановски, професор на Машинскиот факултет во Скопје.