Бизнис
НЕПОВОЛНИ ПРОГНОЗИ ЗА УКИНУВАЊЕ НА 140.000 РАБОТНИ МЕСТА ВО АВТОИНДУСТРИЈАТА, ГЕРМАНИЈА ЗАФАТЕНА ОД ШТРАЈКОВИ
29.10.2024
Германската автомобилска индустрија е во длабока криза, но постои и друга причина зошто во следните десет години ќе мораат да се укинат 140.000 работни места, проценува институтот Прогнос. Претходно во периодот од 2019 до 2023 година се укинати 46.000 работни места.
Авторите на анализата која ја нарачаа од Здружението на германската автомобилска индустрија (ВДА) наведуваат дека бројките ја покажуваат големата неизвесност во индустријата која вработува околу 911 илјади луѓе.
- Падот во вработеноста е диктиран од придвижувањето кон електромобилноста. Политичката рамка одредува дали во иднина вложувањата ќе бидат во Германија, односно ќе се отвораат работни места во земјата или во други места, изјави изјави Хилдергард Мулер, претседателка на ВДА.
- Јасно е дека преминувањето на производство на е-автомобили создава вишок на работници, затоа што електричните мотори се поедноставни од бензиските, изјави главниот економист во ВДА Мануел Калвеит, пренесува „Сеебиз“.
Илјадници германски работници вработени во електротехничката и металуршката индустрија денеска почнаа серија штрајкови ширум земјата, барајќи зголемување на платите за седум отсто. Штрајковите ги погодија компаниите од автомобилската индустрија, кои се соочуваат со затворање на некои фабрики во Германија пренесоа денеска медиумите.
фото freepic