Бизнис
МАКСТИЛ Е ВЕЌЕ ПОСВЕТЕН НА ПРОИЗВОДСТВОТО НА „ЗЕЛЕН ЧЕЛИК“, вели Марија Дуковска Павловска, генералната директорка на компанијата
29.10.2024
Инвестирањето и модернизацијата на производниот процес заради подобрување на продуктивноста и заштитата на работниците и на животната средина е првото прашање кое се поставува во Макстил, компанија која делува во „високоризичната“ индустрија.
- Посветени сме на модернизирањето на производниот процес, кој е автоматизиран. Нашата дејност припаѓа во т.н. стара индустрија во која техничките промени не се одвиваат така брзо, како во другите индустрии. Приоритет ни е автоматизација на производството, од апсект на намалувањето на ризиците за вработените, но и поради фактот што како дејност се соочуваме со недостиг на работници. Жално е да кажеме дека нема студенти на факултетите за металургија. Имаме наши студенти стипендисти со кои се обидуваме да привлечеме нови луѓе во нашиот тим. Организираме и сопствени двогодишни студии за обучување на кадар на други позиции во компанијата, изјави Марија Дуковска Павловска, Генерална директорка на „Макстил“, на денешната панел дискусија организирана од „Блумберг Адрија“ во Скопје.
Во команијата веќе се произведува „зелен челик“ со преработка на старо железо, за кое во наредните две до три години ќе се почуствува голем дефицит, поради преориентирање на други топiлници на овој вид на суровина, нагласи директорката Дуковска Павловска.
За постигнување на подобар економски раст на земјата, како што рече таа, во наредниот период е потребна поголема „предвидливост при носењето на економските политики“, како и поголема вклученост на бизнис заедницата.
Според јавно достапните информации во Европската Унија во период од дваесетина години биле финансирани 18 проекти за овој вид на индустрија. Само во последните години има четири такви проекти, но за жал такви проекти немаме и во нашата земја, рече директорката на Mакстил. Очекувањата на бизнис заедницата се тоа што беше кажано во воведот на денешната дискусија да се види и во реалноста, дополни таа на крајот на презентацијата.