Бизнис
МУКАЕТОВ: МОЖЕМЕ ДА ПОСТИГНЕМЕ ЗАЕДНИЧКИ РАСТ, АКО СЕКОЈ ОД НАС СТАВА ПО ЕДНО КАМЧЕ ВО РАЗВОЈОТ НА ДРЖАВАТА
Митко Јовановски
29.10.2024
Глобалните движења на светските пазари и проблемите околу синџирите за снабдување со суровини имаат големо влијание во делот на фармацевтската индустрија. Од периодот на пандемијата, светот влегува од криза во криза. Во последните пет шест години, соочени сме со високата инфлација и на силни притисоци врз цените за суровините. Набавките преку бродскиот превоз се усложнија и потребни се два до три месеци за да пристигнат суровините до нашата земја, изјави Живко Мукаетов, Генерален директор и Претседател на УО на Алкалоид АД Скопје, на денешниот панел дискусија посветена на македонскиот реален сектор и за примена на бизнис-модел воден од новите технологии, која се одржа на Првата годишна конференција на „Блумберг Адрија“ во Скопје насловена: „Back to business: Економски потенцијал и развојни можности за Македонија“
- На фармацевтскиот пазар се чуствува и дефицит на суровини. Европа е се повеќе посветена на напорите да обезбеди сигурни извори на снабдување и да ги врати производните капацитети на својот терен. Но тоа е процес што ќе трае неколку години. Бизнисот се соочува со многу предизвици и нема простор за играње на фармацевтскиот пазар. Верувам во мојот кадар и ресурси кои ги поседуваме како компанија, која во изминатите 16 години постигна неколкукратен раст. Сето тоа е постигнато благодарение на нашите работници и нашето знаење, во кое мора да се инвестира постојано. Во однос на нашето пошироко делување во нашата земја потребна ни е да веруваме повеќе во себе, да разменуваме информации и со заеднички сили и синергија во разни форми, да оствариме поголем економски раст. Ако секој од нас става по едно камче можеме да постигнеме заеднички раст за две-три години, нагласи Живко Мукаетов.
Како компанија од фармацевтскиот сектор, „Алкалоид“ сериозно влегува во процесот на применета на новите технологии и можноста што произлегуваат од развојот на вештачката интелегенција. Во тој дел, тој ги посочи роботизирањето на технолошкиот процес во производството на влажни марамчиња, која е во финална фаза, како и на воведување на современи софтверски решенија во аналитиката на производството, интегрирањето на лабораториите, маркетингот и во оптимализација на производниот процес во развој на нови производи и лекови.
- Користењето на новите технологии ни овозможува да носиме побрзи одлуки за тоа каде да се насочиме за подобрување на нашата ефикасност и оптимализацијата на трошоците. Немаме друг избор, мораме да го фатиме овој чекор ако сакаме да бидем конкурентни . Мораме да бидеме навреме подготвени за времето кое доаѓа. Ова посебно е важно за подобровување на сајбер безбедноста на нашата компанија, која е на највисоко ниво. Состојбата со примената на нови технологии е сериозна и свесни сме за ризиците кои се присутни. Во однос на овие предизвици се раководиме од нашето главно здравствено мото, „подобро да се спречи отколку да се лечи“ , вели Мукаетов.