Бизнис
ВИСОК РАСТ НА ЦЕНАТА НА КАФЕТО И КАКАОТО
26.10.2024
Во земјите од Европската Унија минатата година се увезени 2,7 милиони тони кафе од земјите кои не се членки на ЕУ, во вредност од 10,6 милијарди евра, објави Евростат. Количината на увезеното кафе е речиси стабилна во споредба со 2013 година, кога имаше увоз на кафе од 2,7 милиони тони, но затоа вредноста на увoзот изнесуваше 7,3 милијарди евра.
Во изминатите десет месеци од крајот на 2023 година, цената на кафето арабика се зголеми за 70 отсто. Во мај годинава цената на какаото, кое е основна состојка во кондиторските производи, е за пет пати повисока од истиот месец лани.
- Пред една година цената на какаото за еден тон беше 2.300 евра, а сега 7.400 долари по тон, а во мај се искачи на 12.000 долари по тон, велат производителите на чоколадо.
Причините за високите цени на кафето и на какаото се слабите берби поради климатските промени, проблемите во логистиката со превозот со бродови, поради шпекулативни активности на трговците на берзите, но и поради поголемата побарувачка во услови на послаба понуда, велат производителите на кондиторски производи, пренесува Н1.
фото freepic