Бизнис
ФЕДЕРАЦИЈАТА БиХ ВОВЕДУВА НЕРАБОТНА НЕДЕЛА ЗА РАБОТНИЦИТЕ ВО ТРГОВИЈАТА
26.10.2024
Претставничкиот дом на Парламентот во Федерација Босна и Херцеговина го усвои Предлог законот за внатрешна трговија со кој се предвидува и воведување на неработна недела за работниците во трговијата на подрачјето на целата Федерација БиХ.
Со законските решенија се пропишува работното време на продажните објекти кој го утврдува трговецот во траење од 90 часа неделно, а објектите ќе бидат затворени во недела и за државни празници.
Со предложените решенија се уредуваат и другите услови и начин на извршување на трговијата и трговските услуги, како и за начинот на формирање и истакнување на цените и прашања кои се однесуваат за заштита на потрошувачите (одобрување на попусти, продажба со намалени цени, акции...).
Со новиот закон се уредува и онлајн трговијата и се предвидува субјектот што врши продажба на производи преку интернет да има обврска да се регистрира и на страната на која вршат продажба да ги истакнат податоците за регистрација, за да можат незадоволните купувачи да поднесат рекламација, пренесува „Бизнис.ба“.
фото freepic