Бизнис
ВО ШПАНИЈА ПРОДОЛЖУВААТ ПРОТЕСТИТЕ ПРОТИВ „ТУРИСТИФИКАЦИЈАТА“
26.10.2024
Протестите во Шпанија против масовниот туризма продолжија и по завршување на летната сезона на одмори. Најави за протести на локалното население има за повеќе шпански градови. Жителите на баскискиот град Сан Себастијан утре ќе излезат на протести под слоганот: „Ние сме во опасност, намалете го туризмот“. Најавените протести се кулминација на серијата дебати, разговори во рамките на кацијата „Октомври против туристификацијата“.
- Tоа што го видовме во последните осум или десет години беше големо забрзување на процесот на „туристификацијата“. Сите услуги на нашиот град се ставени во функција на туристичката индустрија, изјави активистот Асиер Басурто.
Негативните страни на масовниот туризам се однесуваат на тоа што се занемаруваат потребите на локалните жители, просторот во градовите е прилагоден на краткорочните посети на туристите, а туристичката индустрија отвора несигурни работни места, смета Басурто.
Дополнителен проблем преставува и зголемувањето на цените за изнајмување на становите, а локалните жители се принудени да се иселуваат кон подалечните населби.
Годинава се очекува Шпанија да прими над 90 милиони туристи. Туризмот учествува со 13 отсто во БДП на Шпанија и вработува околу три милиони работници, објави „Еуроњуз“.
фото freepic