Бизнис
ИСЛАНД ЗАБЕЛЕЖУВА ЕКОНОМСКИ РАСТ И СО НАМАЛУВАЊЕ НА РАБОТНАТА НЕДЕЛА!
26.10.2024
Економијата на Исланд постигна повисок раст од другите европски земји по воведувањето на скратена работна недела без да ги намали платите на вработените, покажало истражувањето кое е објавено вчера. Од 2020 до 2022 година 51 отсто од работниците во земјата прифатиле да преминат на скратено работно време, со вклучување на четиридневна работна недела. Стапката на невработеност во Исланд е меѓу најниските во Европа, истакнуваат од Институтот за автономија во Обединетото Кралство и Здружението за одржливост и демократија во Исланд (Алда).
- Оваа студија ја покажува успешната приказна, скратеното работно време кое е широко распространето во Исланд, а економијата е силна низ повеќе показатели, изјавил Гудмундур Харалдсон, истражувач во Алди.
Во две големи истражувања во периодот меѓу 2015 и 2019 година вработените во јавниот сектор на Исланд работеле 35-36 работни часови неделно,без намалување на платите. Во истражувањата биле вклучени 2.500 луѓе, повеќе од 1 отсто од работната сила во Исланд. Резултатите се дека продуктивноста останала иста или е подобрена за повеќе работни места, а користа за работниците се зголемила, од аспект на налување на стресот и постигнување на рамнотежа меѓу работата и животот.
Во 2023 година економијата на Исланд се зголеми за 5 отсто, што е повеќе од просечната стапка на раст од два отсто, што го постигнала земјата во периодот меѓу 2006 и 2015 година.
ММФ за 2024 година предвидува намалување на економскиот раст во Исланд, поради намалување на домашната потрошувачка и забавување на растот на туристичката потрошувачка, пренесува „Блиц“.
фото freepic