Бизнис
СЛОВЕНЕЧКИОТ ПАРЛАМЕНТ СЕ ОТКАЖА ОД РЕФЕРЕНДУМОТ ЗА ИЗГРAДБА НА НУКЛЕАРКАТА „КРШКО 2“
25.10.2024
Парламентот на Словенија со мнозинство гласови го прифати предлогот за поништување на одлуката за одржување на советодавен референдум за изградба на нова нуклеарна електрана Кршко (НЕК 2). Водечките словенечки политички партии се согласија околу неодржувањето на референдумот, по објавувањето на снимките за неформалните разговори со претставниците на партиите, кои се договорале околу заобиколување на референдумската воља на граѓаните.
Сепак, проектот НЕК 2 нема да биде целосно откажан и во тек е подготовка на посебен закон за процена на ефикасноста од реализацијата на најголемата инвестиција во историјата на Словенија. Со претходните планови се предвидува сегашната нуклeарна електрана Кршко, која е изградена во 1983 година, да престане со работа во 2043 година.
Во јули 2021 година словенечкото министерство за инфраструктура издаде дозвола за изградба на вториот реактор. Ова предизвика силни реакции во Австрија, која забранува употреба на нуклеарна фисија во производството на електрична енергија. Еколошките активисти се залагаа за затворање на постојната нукеларка поради нејзината старост и ризикот од земјотреси во регионот.
Нуклеарната електрана Кршко задоволува 20 отсто од потребите на Словенија за електрична енергија и 16 отсто од потребите на Хрватска, пренесува „Сеењуз“.