Бизнис
ВО ЕУ НАЈЧЕСТО СЕ ФАЛСИФИКУВААТ ВИДЕОИГРИ, ИГРАЧКИ, ЦИГАРИ...
25.10.2024
Во 2022 година во Европската Унија се запленети 86 милиони фалсификувани производи чија вредност надминува две милијиради евра, покажува извештајот на Управата на Европската Унија за интелектуална сопственост (ЕУИПО) и на Европол.
Во 2023 година биле уапсени 1096 криминалци и бил запленет имот во вредност од 205 милиони евра или за 400 отсто повеќе во споредба со 2022 година.
Во извештајот се наведува дека фалсификуваните производи учествуваат со 5,8 отсто од вредноста на европската трговија. Најчесто се фалсификуваат видеоигрите, друштвените игри, материјалите за пакување, играчки, цигари.
Податоците за 2023 година покажуваат дека интелектуалната сопственост е се повеќе загрозена. Само во една година се забележува многу голем раст на бројот на истрагите, приведувања и заплена на имот поврзан со криминалот и злоупотребите на интелектуалната сопственост.
- Кога потрошувачите ќе одлучат да купуваат фалсификувани производи, добиваат производи со потпросечен квалитет и придонесуваат за сивата економија која го поткопава регуларниот пазар, велат од ЕУИПО, пренесува „Пословни дневник“.
фото freepic