Бизнис
ЛИЗИНГ ИНДУСТРИЈАТА ВО СРБИЈА ДОСТИГНА ЕДНА МИЛИЈАРДА ЕВРА
23.10.2024
До крајот на 2024 година лизинг индустријата во Србија ќе достигне вредност од една милијарда евра за финансиратите производи. Во најголем дел со лизинг производите се финансира развојот на малите и средните претпријатија, што е вообичаена пракса во цела Европа, беше речено на конференцијата која ја организираше Асоцијацијата на лизинг компаниите во Србија (АЛЦС) во соработка со Стопанската комора на Србија.
- Лизингот е најраширен вид на купување на нови возила, а лизинг индустријата е главен партнер во проектите за стандардизацијата на такси превозот во Србија, ја финансира и модернизацијата на јавниот градски превоз, на помали возила за доставување производи и на возниот парк на компании. Користењето на лизинг услугите се добар финансиски инструмент за физичките лица. Очекувањата за наредните две години се дека две третини од сите лизинг договори да бидат потпишани преку дигитални платформи, соопштија од АЛЦС.
Иван Јауковиќ, претседател на Асоцијацијата за лизинг компании на Србија, најавува во наредниот период позасилено финансирање во модернизацијата на автобусите, трамваите и тролебусите.
- Секое трето ново возило во Србија е финансирано со лизинг, информира Теодора Миленковиќ, генерален секретар на АЛЦС. Патничките возила се најзастапени во структурата на финансирањето со лизинг во учество од 44 отсто во третиот квартал од 2024 година, пренесува „Данас“.
фото freepic