Бизнис
ГЕРМАНИЈА СТАНУВА ПОМАЛКУ ПРИВЛЕЧНА ЗА СТРАНСКИТЕ ИНВЕСТИТОРИ
22.10.2024
Директните странски инвестиции во Германија драстично се намалени и земјата изгуби чекор со европските конкуренти, како што се Франција и Шпанија, се наведува во стручната анализа која е објавена врз основа на информации на Бундесбанката.
- Речиси и да немаше дополнителен капитал од другите земји од еврозоната од крајот на 2021 година. Приливите на инвестиции надвор од еврозоната се во позитива, но во споредба со годините од 2019 година и крајот на 2021 се значително намалени, нагласуваат авторите на анализата.
Странските компании во 2020 и 2021 година во Германија вложија малку над 100 милијарди евра, по овој период до средината на годинава се вложени само 62 милијарди евра.
Во извештајот на Бундесбанката се наведува дека нема знаци за „целосно повлекување на меѓународните инвеститори“.
Директните инвеститори од САД и Холандија играат клучна улога во вложувањата во Германија. Приливите од Велика Британија значително се намалија во последните две години, а една од причините е излегувањето од Европската Унија во 2020 година.
Како причина за намалените странски вложувања во германската економија се споменува и високата цена на енергијата, но и засилената конкуренција на меѓународниот пазар на капитал, пренесува „Сеебиз“.
фото freepic