Бизнис
ВО ФРАНЦИЈА, ИТАЛИЈА И ГЕРМАНИЈА СЕ НАМАЛУВА ПРОДАЖБАТА НА НОВИ АВТОМОБИЛИ
22.10.2024
Продажбата на нови автомобили во септември во Европа се намали втор месец по ред. Во споредба со минатиот септември продажбата на автомобили е намалена за 6,1 отсто, а во август падот на годишно ниво изнесуваше 18,3 отсто. Побарувачката за нови автомобили е намалена посебно во Франција, Германија и Италија.
Според податоците на Европското здруѓение на производители на автомобили (АЦЕА), септемвриската продажба на автомобили во Франција е намалена за 11,1 отсто, во Италија за 10,7 отсто и во Германија за седум отсто.
Во истиот период продажбата на нови автомобили во Шпанија се зголеми за 6,3 отсто, објави германската новинска агенција ДПА.
Електричните автомобили во септември учествуваат со 17,3 отсто во споредба со 14,8 отсто минатата година. Во септември продажбата на нови електрични автомобили е намалена за 5,8 отсто на годишно ниво. Пазарниот удел на е-автомобилите се намали од 14 на 13,1 отсто. Продажбата на хибридни автомобили се намали за 22,3 отсто.
Во првите девет месеци годинава бројот на регистрирани нови автомобили во Европа се зголеми за 0,6 отсто и достигна до осум милиони, покажуваат податоците на АЦЕА.
фото freepic