Бизнис
НА ПАЗАРОТ НА ДОПОЛНИТЕЛНИ ЧАСОВИ ЗА УЧЕНИЦИ ВО СРБИЈА СЕ „ВРТАТ“ НАД 100 МИЛИОНИ ЕВРА
21.10.2024
Неформалниот пазар за одржување на приватни часови за учениците во основни и од средни училишта во Србија изнесува околу 110 милиони евра годишно или најмалку 30 отсто од вкупниот буџет за плати на наставниот кадар. Истражувањата кои биле спроведени во Европа покажуваат дека толерирањето на овој паралелен систем на образование во посткоминистичките земји е поради намалувањето на незадоволството на наставниот кадар од ниските плати во регуларниот образовен систем.
На неформалниот пазар за давање часови во Србија се наоѓаат активни професори, професори во пензија, невработени лица, стручњаци од различни области и студенти. На страната на побарувачката за знаење се учениците кои имаат недоволни познавања од математика, странски јазици, од природните науки ...
Цените за приватни часови се најниски во помалите градови и се движат од три до седум евра за еден час, а во некои места цената е десет евра, кои се исплаќаат во готово и не се евидентираат во редовните финансиски текови.
Неофицијалните информации се дека приватни часови посетуваат околу 35 отсто од учениците во Србија односно околу 205 илјади ученици во сите нивоа на образование, објави „Бизнис и финансии“.
фото freepic