Бизнис
ВО СВЕТОТ СИЛЕН РАСТ НА ПРОДАЖБАТА НА Е-АВТОМОБИЛИ
21.10.2024
Продажбата на целосно електрични и плаг-ин хибридни возила во светот во септември забележа силен раст од 30,5 отсто во однос на истиот месец 2023 година. Двоцифрен скок во продажбата на е-возила е остварен во Кина, а скромен раст има во Европа и Северна Америка. Во септември се продадени 1,96 милиони електрифицирани возила, објави компанијата за истражување на пазарот Rho Motion.
Продажбата на електрични возила во Кина се зголеми за 47,9 отсто и достигна 1,12 милиони возила. Во САД и Канада во септември се продадени само 150.000 електрични возила или за 4,3 отсто повеќе од минатата година.
Продажбата во Европа е зголемена за четири отсто и достигна ниво од 300.000 возила. Поголем раст на продажбата има во Велика Британија, Италија, Германија и Данска, пренесува Б92.
фото freepic