Бизнис
ЖИТЕЛИТЕ НА БЛЕД СЕ СООЧУВААТ СО ПРОБЛЕМИТЕ ОД МАСОВНИОТ ТУРИЗАМ
20.10.2024
Бројот на туристичките сместувачки капацитети на Блед секоја година растат. Во 2018 година во оваа словенечка општина биле на располагање 8.422 кревети, а седум години подоцна нивниот број се зголемил за 20 отсто.
Годинава сместувачките капацитети се зголеми за 732, а вкупниот број на кревети за туристи изнесува 10.032. Во август годинава на Блед престојувале 79.415 гости и оствариле 225.947 ноќевања со просечен престој од 2,8 дена. Во истиот период лани престојувале 70.439 туристи и оствариле 206.644 ноќевања.
- Изнајмувањето на сместувачките капацитети е изразито нерегуларно и сакаме да ги спроведеме прописите и законите кои се на сила, изјавуваат од Туризам Блед.
Според важечките прописи, сопственикот на објектот не може да издава под наем повеќе од половината на површината на зградата кои се регистрирани како станбени. Но, општината нема надлежности за спречување на изнајмувањето на недвижности кои не се во согласност со прописите.
Општинските власти во Блед се соочуваат и со проблемот за одржување на постојниот број на жители. Поради отежнатиот пристап на Блед и другите проблеми поврзани со масовен туризам локалните жители се одлучуваат да се иселуваат. Секоја година бројот на жителите во Блед се намалува и сега е под 8.000. Доколку продолжи неконтролираното издавање на недвижностите за краткорочен наем за туристи, бројот на локалното население уште повеќе ќе се намали и за неколку години ќе падне под седум илјади, проценуваат локалните власти, пренесува „Сеебиз“.
фото freepic