Бизнис
БУГАРИТЕ МАСОВНО РЕЗЕРВИРААТ ЗА ПРЕЧЕК НА НОВА ГОДИНА ВО СРПСКИТЕ БАЊИ, колку чини новогодишната ноќ на белградските сплавови и ресторани
20.10.2024
Во српските хотелски претпријатија се задоволни од сегашната продажба на новогодишните аранжмани, за кои има резервации од 30 отсто од расположивите капацитети. Најголем интерес има од туристите од Бугарија кои почнаа во голем процент да резервираат сместување во хотелите во Белград и во српските бањи.
Цените на новогодишните аранжмани во српските хотели зависат од големината на собите или апартманите и бројот на гостите, и се движат од 150 до 1.000 евра, за полупансион со доручек и вечера. Во цената за престој не е задолжително вклучена и свечената новогодишна вечера.
Георги Генов, директорот на Деловното здружение на хотелско-угостителките претпријатија во Србија (ХОРЕС) вели дека кај групните резервации најмногу гости има најавено од Бугарија, Романија и Словенија.
Повеќето белградски клубови и ресторани и хотели ги објавија цените за пречек на Нова година, а некои од нив не ги вклучуваат и пијалоците, туку само свечената вечера. Цените се движат од 60 евра во неатрактивна локација до 250 евра за едно лице во луксузните или премиум зони во угостителскиот објект. Цената за новогодишната ноќ во објектите на Белград на вода изнесува 130 евра, со пијалок и вечера.
Престојот за Нова година на планина чини од 80 евра на Златибор до 120 евра на Копаоник, објави „Курир“.
Просечните цени за едно лице за пречек на Новата година 2025:
- Клубови од 70 до 120 евра
- Сплавови од 140 до 210 евра
- Ресторани од 45 до 85 евра
- Хотели од 60 до 250 евра
фото freepic