Бизнис
СВЕТОТ СЕ СООЧУВА СО НОВ БРАН НА СТЕЧАИ
19.10.2024
Во 2024 година светот се соочува со нов бран на стечаи на претпријатијата, а нивниот број го надмина нивото од пред пандемијата. На глобално ниво стечаите до грајот на годината се очекува да се зголемат за 11 отсто, се наведува во извештајот на Allianz Trade Global Insolvency Outlook.
Зголемениот број на банкроти не е изненадување поради економските потешкотии со кои се соочуваат фирмите, вклучително и на геополитичките тензии, забавеното заздравување на економиите и строгите финансиски услови. Во западна Европа и Северна Америка, бројот на стечаите најмногу се зголемија во градежништвото, во трговијата на мало и услужниот сектор.
Глобалниот индекс на неликвидност се зголеми за 11 отсто во 2024 година. Но стапката на неликвидост се разликува во одделни земји, додека западна Европа доживеа највисок скок. Предвидувањата се дека во Германија бројот на стечаи ќе се зголеми за 25 отсто, во Франција за 18 отсто, а во Италија за 22 отсто.
До 2025 година 1,6 милииони работни места може да бидат загрозени во Европа и Северна Америка, што е највисоко ниво во последната деценија.
Во САД се очекува зголемување на банкротираните фирми за 31 отсто, во Канада за 39 отсто. Рекордно ниво на неликвидност се очекува и во азиските земји (Јужна Кореја, Сингапур и Јапонија), пренесува „Бизнис.ба“.
фото freepic