Бизнис
КАКВИ СЕ ЕФЕКТИТЕ ОД ЕКСПЕРИМЕНТОТ СО ЧЕТИРИДНЕВНА РАБОТНА НЕДЕЛА?
18.10.2024
Германските компании се задоволни од пробното воведување на четирдневна работна недела, која позитивно делувала на физичкото и менталното здравје на вработените. Показателите за финансиските ефекти, односно приходите и профитот останале стабилни наспроти намалувањето на бројот на работните часови, што е знак за подобрување на продуктивноста.
Речиси три четвртини од 45 компании, кои учествуваа во шестмесечниот експериментален период, објавија дека нема да се вратат на традиционалната петдневна работна недела. Само две големи компании биле принудени да го напуштат експериментот поради „економски потешкотии или недостиг на интерна поддршка“.
Германија, како и другите западни економии, се соочува со демографски проблеми. Се очекува повеќе од седум милиони луѓе да го напуштат пазарот на труд до 2035 година, додека ниската стапка на наталитет и имиграцијата не се доволни за да го надоместат недостигот на работници, пренесе „Еуроњуз“.
фото freepic