Бизнис
КАКВО Е ДУАЛНОТО ОБРАЗОВАНИЕ СПОРЕД „СРПСКИ“ МОДЕЛ?
18.10.2024
Учениците во Србија кои годинава се запишале на дефицитарните занимања имаат можност од државата да добијат 5.000 динари месечно (околу 45 евра). Канцеларијата за дуално образование распиша конкурс на кој до 20 октомври можат да се пријават училиштата кои работат според дуалниот модел на образование.
На годинашнава листа се наоѓаат 28 дефицитарни занимања: маталуршки техничар, бравар-заварувач, оператор со машинска обработка, авто-електричар, за градежни работи, столар, слаткар, кувар, пекар, хемиски техничар, чевлар, индустриски и моден кројач, возач, трговец, келнер, месар, механичар ...
Сите ученици кои ќе се запишат на насоки за дефицитарни занимања ќе добиваат по 5.000 динари за девет месеци во годината. Парите ќе бидат исплатувани директно на сметката на учениците. За секој ден поминат на пракса учениците од компанијата ќе добијат дополнителни 70 отсто од минималната цена за еден работен час. Ова значи дека за еден ден пракса неделно во компанијата (за четири дена месечно), на крајот на месецот ќе добијат 4.500 динари од компанијата. Учениците од повисоките класови имаат два или три дена практична настава во неделата и добиваат по 9.000 односно 13.500 динари месечно.
Надоместот за минимален работен час чини 271 динар, а месечната минимална плата е 47.335 динари. Од 2025 година овој износ се зголемува на 53.592 динари, што е за 308 динари за еден час работа.
Дуалното образование во Србија се реализира во околу 950 компании и во соработка со 186 средни стручни училишта. За период од десет години низ овој модел на образование поминале 16.000 ученици, пренесува „Еуроњуз.рс“.
фото freepic