Бизнис
ГЕРМАНЦИТЕ СЕ ОТКАЖУВААТ ОД КУПУВАЊЕ НА БРЕНДИРАНИ ПРОИЗВОДИ, германските граѓани единствено планираат да потрошат повеќе пари за свежа храна
17.10.2024
Потрошувачите во Германија се обидуваат да се прилагодат на новата економска состојба во земјата. Поради личната финансиска состојба 40 отсто од нив ги менуваат своите навики и од купување на брендирани производи преминуваат на многу поевтини производи, кои се нудат под друго трговско име.
Повеќе од третина германски граѓани или 37 отсто изјавиле дека во продавниците го купуваат најосновното. Германците се песимисти во однос на нивната животна состојба во наредниот период и за економските прилики во земјата.
Поголемиот дел од населението во Германија се загрижени поради високите или растечките трошоци за енергија (86 отсто), од повисоките трошоци за храна и домаќинството (84 отсто), како и од повисоките трошоци за бензин и други горива (69 отсто).
Поради високите трошоци Германците најпрво би се откажале од достава на храна на домашна адреса, од купување на готови јадења, од трошоците за вежбање и одење во ресторани, кино или театар.
Германците единствено планираат да потрошат повеќе пари за свежа храна, пренeсува „Дојче веле“.
фото freepic