Бизнис
СЛОВЕНЦИТЕ ПОТЕШКО КУПУВААТ СТАНОВИ, КВАДРАТ ВО ЉУБЉАНА ОД 5 ДО 7 ИЛЈАДИ ЕВРА, во Словенија има намалување на купродажните договори за недвижности за 15 отсто
16.10.2024
На пазарот на недвижности во Словенија во првата половина годинава е забележан пад на продажбата на станови, но цените за еден квадрат продолжуваат да растат. Во овој период биле склучени 12.000 купопродажни договори во сите категории на продажба во вкупна вредност од 1,2 милијарди евра, објави Геодетската управа на Република Словенија (ГУРС).
Споредено со втората половина на 2023 година, бројот на договорите и вредноста на продадените недвижности се намалиле за 15 и за 10 отсто.
Минатата година цените на становите во Словенија се зголемени за десет отсто, за куќите за шест отсто, а цената на земјиштето за изградба на станбени згради за 24 отсто. Во последните пет години становите во Словенија поскапеле за 30 отсто, куќите за 25 отсто и градежното земјиште за 52 отсто.
Најмногу нови станови се продадени во Љубљана по цена од пет до седум илјади евра. Во Копар квадратот се продава меѓу 4.500 и 6.000 евра, во Крањ меѓу 3.200 и 4.100 евра, а во Марибор и Цеље од 3.000 до 3.500 илјади евра, пренесува „Сеебиз“.
фото freepic