Бизнис
ГЛОБАЛНИОТ ТУРИЗАМ ВО ПОДЕМ, НО „ИНСТАГРАМ ТУРИЗМОТ“ ГО ЗАГРОЗУВА ЖИВОТОТ НА ЛОКАЛНОТО НАСЕЛЕНИЕ
16.10.2024
Глобалниот туризам во 2024 година ќе достигне рекордни 11 билиони долари. Светската туристичка организација во ОН соопшти дека во првите седум месеци годинава се регистрирани 790 милиони меѓународни туристи, што е зголемување од 11 отсто во однос на 2023 година. Но тоа е под 4 отсто од рекордната 2019 година пред почетокот на пандемијата.
Глобалниот туризам е значителен двигател на економскиот раст, посебно во земјите во развој. Овој сектор во 2024 година ќе оствари раст на прометот на 11,1 билиони долари.
Меѓутоа, прекумерниуот туризам предизвикува пренаселеност и штета на локалните заедници и прашањето за преголемиот број на гости во одредени дестинации претставува главно прашање за тамошните власти, пренесува „Инвеститор.ме“.
Во Европа прекумерниот туризам стана главен проблем за градовите како Венеција, Барцелона и некои грчки острови. Пренаселеноста прави притисок на локалната инфраструктура и предизвика протести од населението.
Растот на „Инстаграм туризмот“ односно масовната појава за објавување на фотографии за социјалните мрежи ги насочуваат луѓето на исти дестинации, посебно на атрактивните туристички места ширум Азија, како што се Бали и Пукет. Прекумерниот туризам ја загрозува одржливоста на дестинациите и предизвикува масовни посети на атрактивните дестинации и го намалува задоволството на туристите. За локалното население тоа може да доведе до зголемени животни трошоци и губење на културниот идентитет со прилагодување на животниот стил на барањата на туристите.
фото freepic