Бизнис
„Алкалоид“ започна со имплементација на софтверската платформа AlkaDAS
15.10.2024г
„Алкалоид“ започна со имплементација на софтверската платформа AlkaDAS, како клучен чекор кон комплетно дигитализирање на деловната документација и управувањето со информации во рамки на компанијата. AlkaDAS претставува интегриран систем за управување со документи, овозможувајќи нивна дигитална следливост и контрола во секоја фаза. Платформата вклучува целосно усогласени електронски потписи, гарантирајќи регулаторна усогласеност и ја олеснува соработката со партнери, добавувачи и клиенти - зголемувајќи ја брзината, ефикасноста и сигурноста.
Овој проект се реализира во партнерство со Nextsense, водечка ИТ компанија специјализирана за дигитална трансформација во глобални рамки.