Бизнис
ПО ТУРЦИТЕ НАЈБРОЈНИ ТУРИСТИ ВО МАКЕДОНИЈА СЕ СРБИТЕ И РОМАНЦИТЕ, во периодот јануари – август 2024 година, кај домашните туристи има намалување за 0,9 отсто, а кај странските има зголемување за 14,4 отсто
15.10.2024
Бројот на туристите во август 2024 година во Македонија изнесува 232 576, од кои 48,6 отсто се домашни туристи, а 51,4 отсто се странски туристи. Бројот на ноќевањата во август 2024 година изнесува 911 478, од кои 74,3 отсто се од домашните туристи, а 25,7 отсто од странските туристи, објави Државниот завод за статистика на Македонија.
Во периодот јануари – август 2024 година, во однос на истиот период од претходната година, бројот на туристите е зголемен за 8,3 отсто: кај домашните туристи има намалување за 0,9 отсто, а кај странските има зголемување за 14,4 отсто.
Во периодот јануари – август 2024 година, во однос на истиот период од претходната година, бројот на ноќевањата е зголемен за 5,3 отсто: кај домашните туристи има зголемување за 2,6 отсто, а кај странските има зголемување за 9,3 отсто.
Во август најбројни туристи се од Турција, со остварени 42 отсто од вкупниот број гости и со 28 отсто од ноќевањата. Туристите од Србија оствариле 9 отсто од вкупниот број на ноќевања или 8,3 отсто од бројот на гостите, најголем број посетители има од Романија. Романските туристи учествуваат со пет отсто според бројот на пристигнувања и со 4,2 отсто од остварените ноќевања. Најголем број на туристи во Македонија има и од Полска со остварени 6,8 отсто од ноќевањата и 3,9 отсто од вкупниот број на туристи.