Бизнис
КОЛКАВИ СЕ ПЛАТИТЕ ВО ГЕРМАНИЈА ЗА ДОКТОР, ЗА АРХИТЕКТ ИЛИ ЗА КАСИЕР?
15.10.2024
Oд 1 јануари 2024 година, според новите правила за работа во Германија, минималната плата во оваа земја е 12,41 евро на час. Вработените со полно работно време (40 часа неделно) можат да очекуваат минимална месечна плата од 2.149 евра пред оданочување или 1.557 евра по оданочување.
Според извештајот на StepStone за 2024 година, просечната плата во Германија изнесува 4.187 евра бруто месечно, што е околу 50.244 евра бруто годишно. Сојузниот завод за статистика (ФСО) објави дека просечната месечна бруто-плата во април 2023 година била 4.323 евра, а просечната годишна бруто-плата е 49.260 евра. Нето платата во просек изнесува 32.141 евро годишно.
Платите во Германија варираат во зависност од индустријата, локацијата и работното искуство. Генерално, годишната бруто-плата помеѓу 64.000 и 81.000 евра се смета за исклучително добра, објави „Курир.рс“.
Најплатените професии во Германија, според просечната годишна плата:
Медицински советник: 61.700 – 137.700 евра
Доктор: 47.400 – 142.200 евра
Пилот: 27.600 – 160.900 евра
Адвокат: 38.000 – 146.000 евра
Консултант за менаџмент: 40.200 – 141.700 евра
Архитект: 58.100 – 123.700 евра
Адвокат: 50.600 – 123.800 евра
Раководител за транспорт и логистика: 47.200 – 130.600 евра
Касиер: 26.000 евра
фото freepic