Бизнис
ДРЖАВНИТЕ СЛУЖБЕНИЦИ МОЖАТ ДА РАБОТАТ ОД ДОМА И ВО ПЕТОК И ПОНЕДЕЛНИК, се предвидува во предлог уредбата за работа од далечина во Хрватска
15.10.2024
Со новата уредба државните службеници во Хрватска ќе можат да работат од дома три дена во неделата, вклучително и во петок и понеделник, а за оваа можност ќе одлучува претпоставениот раководител , објави Фадила Баховиќ, државниот секретар во Министерството за правосудство.
- Постоеше погрешно толкување и дезинформации за тоа дека со уредбата се забранува работа од дома во петок или во понеделник. Но тоа не е точно и со уредбата не се забранува оваа можност, изјави Баховиќ, која ја коментираше Предлог уредбата за работа на работа на далечина во државната служба во Хрватска.
Со воведувањето на овој модел на работа во државната служба предлагачите на законските решенија сакаат да обезбедат рамнотежа меѓу приватниот и деловниот живот.
- Ова е не право на службеникот, туку само можност за работа од дома. Ниедна земја членка на Европската Унија не го пропишала како право, затоа што раководителот е одговорен за непречено функционирање на службите и извршување услуги за граѓаните, изјави Баховиќ.
Во 2024 година во некои месеци дури 26 отсто од државните службеници работеле од дома! Со предлогот се дефинира и можноста за работа од дома да работат родителите или посвоителите на деца до навршени осум години живот или за грижа за децата сокласно посебни закони, пренесува „Пословни дневник“.
фото freepic