Бизнис
БАНКИТЕ СЕ ПОВНИМАТЕЛНИ ВО КРЕДИТИРАЊЕТО НА ГЕРМАНСКИТЕ КОМПАНИИ, се наведува во извештајот на ИФО од Минхен
14.10.2024
Компаниите во Германија се потешко добиваат кредити од банките, се наведува во извештајот на Институтот за економски истражувања ИФО од Минхен.
Во анктетата која е спроведена во септември годинава, 32,9 отсто од фирмите во Германија одговориле дека банките се повоздржани при одобрувањето на кредитите, додека во јуни овој процент изнесуваше 27,1 отсто.
Резултатот од анкетата покажува дека германските компании сега имаат најголеми проблеми за добивање на заем од периодот по 2017 година. На „затвореноста“ на банките за одобрување на кредити најмногу се жалат компаниите од секторот услуги (35,7 отсто), како и компаниите од индустријата (34,3 отсто).
- Недостигот од нови нарачки во многу сектори влијаат на банките, кои се повнимателни во проверката на кредитната способност на компаниите, изјави Клаус Волрабе, експерт во ИФО.
Компаниите од градежништвото полесно добиваат банкарски кредити, како и трговските компании од продажбата на големо, се заклучува во извештајот на ИФО, пренесува „Блиц“.
фото freepic