Комисијата за заштита на конкуренција во Србија почна постапка против четири малопродажни синџири поради сомневање  дека трговските компании ја нарушиле конкуренцијата со склучување на рестриктивни договори, соопштија од српската КЗК.

Претставници на Комисијата направиле ненадејна контрола во просториите на овие компании, поради испитување на условите за конкуренција на пазарот за поголем број на прехранбени производи.

- Детална анализа е извршена со следење на одредени производи во малопродажбата на субјектите , кои според јавно достапните податоци од финансиските извештаи, кои ги објавува Агенцијата за стопански регистри на Република Србија, учествуваат со над 50 отсто од пазарот за малопродажба на територијата на Србија, соопшија од КЗК.

Со следење на цените на производите во последните месеци се констатирало дека кај 35 производи има идентични цени кај различните трговски компании. Во август е направена анализа за  цените на 45 производи и било констатирано дека пазарот на малопродажба во Србија  остварила раст на вредноста во периодот од април 2023 година до март 2024 година, а воедно имало и благ пад во понудената количина. Истовремено, растот на цените во малопродажбата бил двапати поголем од инфлаторниот притисок.

Во периодот од 2016 до 2023 година било констатирано значаен раст на приходите и на бруто маржата, односно профитабилноста кај набљудуваните трговски компании, што покажуваат и податоците за нивната добивка.

- Во периодот на повеќемесечно следење,  од април до септември 2024 година,  редовните цени на осум производи (млеко, јогурт, масло, брашно, шеќер, јајца, кафе и банани) кај сите набљудувани малопродажни компании имале исти или слични цени, со различни услови за набавка, наведуваат од КЗК, пренесува „Данас“.

фото freepic